ԼԵՈ ԼԵՈ ՎԱՐԴԱՆՅԱՆ

Լեո Լեո Վարդանյանը ուշագրաւ ա­րուեստագէտ մըն է։ Որպէս վերացական ոճի հետեւորդ, ան իր պաստառներուն միջոցով կ’ուսումնա­սիրէ տարբեր տարածքներու յարաբե­րութիւնները, տարբեր շերտերու ձգողականութիւնն ու թրթռացումները։ Անոր կտաւները ունին քաշողական ուժ մը, որոնք իրենց մէջ կ’աքցանեն դիտողն ու անոր արուեստի ընկալման փորձառութիւնը։ Պաստառին վրայ արձանագրուած նկա­րիչին անկեղծութեան երանգներն ու շերտերը ազատօրէն կ’օրօրեն դիտողին միտքը՝ գունային ցանցի ու ներդաշնակութեան համաչափ ռիթմով։ Լեոյի պաստառներուն առ­ջեւ, արուեստասէրը հայելացման փորձառութիւն մը կ’ապրի, որ կ’անցնի ժամանակի անսահման ու անչափելի տարածքներէ։ Հոն է, ուր դիտողը կը պապէ իր ներքին հո­գեկան կենսուժը, մտասուզուելու, հարցադրումներ ընելու, փիլիսոփայելու, մտախոհութեան լուռ ու անմատչելի վայրեր գտնելու կամ՝ երկխօսութեան մէջ մտնելու նկարիչին բացակայութեան հետ։

Լեո լեո Վարդանյանը կ’ապրի ու կը ստեղծագործէ Երեւանի մէջ։ Տասը տարեկանէն մաս կազմած է նկարչական զանազան ակումբներու ու սթիւտիոներու։ 1996ին աւար­տած է Երեւանի գեղարուեստից ակադեմիայի նկարչութեան բաժինը։ 2007 թուականէն անդամ է Հայաստանի նկարիչներու միութեան։