Կիրակի, 28 փետրուարին Թորոնթոյի Հայ կեդրոնի սրահին մէջ տեղի ունեցաւ «Պօղոս Սնապեան` «Բագին»-ի քուրմը» խորագիրը կրող յիշատակի հանդիսութիւնը` կազմակերպութեամբ Համազգայինի «Գլաձոր» մասնաճիւղի գրական յանձնախումբին:
Որպէս ձեռնարկի բացում ներկայ գտնուող շուրջ 200 հայորդիները լսեցին Սնապեանի «Պարը» պատմուածքի պարզ, բայց խորհրդաւոր ընթերցումը` հեղինակին կատարողութեամբ, որմէ ետք գրական յանձնախումբի ատենապետ Թամար Տօնապետեան-Գուզուեան ստանձնեց հանդիսավարութեան պաշտօնը, որ կատարեց ամենայն արհեստավարժութեամբ:
«Պօղոս Սնապեան` «Բագին»-ի Քուրմը» Յիշատակի Հանդիսութիւն` Թորոնթոյի Մէջ
