Հատորը խմբագրած է Յովակիմ վրդ. Սերովբեան, կողքը՝ Գրիգոր Սահակեանի։ Գիրքը լոյս տեսած է համագործակցութեամբ Երեւանի Եղիշէ Չարենցի անուան գրականութեան եւ արուեստի թանգարանին։ Զահրատի ծննդեան 100-ամեակին նուիրուած այս գիրքին մէջ ներառուած 100 բանաստեղծութիւններու ընտրութիւնը կատարած է հանգուցեալի այրին՝ տիկ. Անայիս Եալտզճեանը։ Հատորին մէջ տեղ կը գտնէ նաեւ Զահրատի վերջին բանաստեղծութիւնը Հրանդ Տինքի սպանութեան առթիւ գրուած (ձեռագրի), նմոյշ մը իր արձակ բանաստեղծութենէն, Կոմիտասի նուիրուած ու երգի վերածուած մէկ քերթուածի խազագրութիւնը, վկայութիւններ Զահրատի եւ անոր արուեստին մասին, լուսանկարներ եւ խմբագրին շնորհակալական խօսքը։
