Պատումը

    Վայրկեանները ուժով կը հարուածեն։
    Վայրկեաններ,
    եւ իրենց վաղանցիկ երջանկութիւնը, ցաւը,
    վաղանցիկ ուրախութիւնը, մինակութիւնը։
    Անկումէն ետք լռութիւնն է
    որ կը փորձէ զսպել։
    Անկումէն ետք կայ վայրկեանը առանց…

Անվերջ սկիզբ Կեանքիս պատմութիւնը պիտի չվերջանայ մահուանս հետ։ Երբ ծնայ, պատմութիւնս սկսաւ։ Մարդիկ կ՛ըսեն մեզի որ «օր մը, պիտի մեռնինք»։ Բայց ճիշդ չէ։ Մեր կեանքերը շրջանակներու պէս են, նոր պատմութիւններ եւ նոր սկիզբներ կու տան ամէն բանի որու դպչինք։ Ամէն բառ որ կը խօսինք, քիչ մը նոր սկիզբ է. ամէն բառ որ կը գրենք, քիչ մը նոր սկիզբ է. ամէն բառ որ կը կարդանք, նոր խորհուրդ մը կամ մտմտուք մըն է մեր միտքերուն մէջ։ Միւսներուն նոր սկիզբներ կու տանք խօսելով […]

Անգամ մը լոյսը ուզեցի։ Գիշերները սակայն ամեն տեղ կը հետեւին ինծի: Երբ արեւը գայ Շուքեր կու գան ետեւէս: Երբ լոյսերը վառին Պէտք է գոցեմ աչքերս: Լոյսը կրնամ երազներուս մէջ տեսնել, բայց երբ արթննամ, ամեն ինչ կ՚աղօտի, միտքս խաւար կը տեսնէ։ Ինչպէ՞ս կրնամ շրջիլ լոյսին։ Հոգիս ինչպէ՞ս շուքերէն կրնայ դառնալ արեւուն։ Հատուած «Լոյս» բանաստեղծութենէն