2024ը կը նշէ հարիւրամեակը Յակոբ Օշականի վիպագրական ասպարէզին, սկսած՝ Շահպազով, հրատարկուած 1924ին (Հայրենիք ամսագիր): Վէպը հատորի մէջ պիտի հրատարկուէր շատ աւելի ուշ, 1958ին, Պէյրութ, «Յ. Օշականի աշակերտներու» նախաձեռնութեամբ, կցուած Խոնարհները պատմուածքներու «Խոնարհներ» շարքի աւարտին: Շահպազը սակայն վէպ է, ուրոյն արժէքով, եւ իր անջատ, անկախ հրապարակումը անհրաժեշտ էր լիակատար արժեւորումի մը համար:
